Daar word gereeld aan slaglamkompetisies deelgeneem om die karkasse se
kwaliteit te kan bepaal. Ons ramme wat uit die stoet geteel word, word met
die kommersiële ooi gepaar en dit is hulle lammers wat vir die
slaglamkompetisies ingeskryf word. Dan wys dit vir ons watter impak het die
stoetery op ons hele boerdery. Dit is vir ons baie belangrik om 'n hoe
kwaliteit slaglam te produseer op 'n jong ouederdom.
Hierdie lam is as die kampioenenkellam aangewys tydens die slaglamkompetisie
wat gehou was in Februarie 2008
In 2004 is die tweede en die derde beste lam aan die haak Nasionaal uit die kudde geproduseer met ‘n prestasie van 99.78% en 99.70% onderskeidelik.
In 2005 is die vierde beste groep van vier lammers ook uit die kudde geproduseer met ‘n prestasie van 96.85%.
Tans word alle diere by GWK/LAW op De Aar bemark en ongeveer 80% van die lammers kwalifiseer vir ‘Certify Natural’ lammers waarna hulle dan gelewer word aan kettingwinkels soos Woolworths, Shoprite Checkers en Pick ‘n Pay. Hierdie lammers moet aan ‘n sekere bouvorm met ‘n sekere vetkode voldoen om te kan kwalifiseer en hulle moet organies geproduseer wees.
Ian Welsch van Nieu Zeeland wat daarvoor bekend staan om diere se oogspierdiepte sowel as oogspierwydte te meet met ‘n sonar het ons nou al ‘n paar keer besoek. Ek het al die kere al die ramme voorgejaag om te sien wie het goeie oogspiere en wie nie. Sy opmerking die laaste keer (17.07.2007) was: ‘Once again your results are execellent by industry standards.’ Die afstammelinge van Smokey het veral baie goed gevaar.
Produksieveiling van 50 ramme en 30 ooie te Kimberley Veilingskrale op Donderdag
27 Augustus 2009 om 10:00vm.
Ramme en ooie
sal weer van hoogstaande gehalte wees soos by die vorige veiling. Hartlike dank
aan al die kopers wat my in 2008 ondersteun het.
HIER VOLG INLIGTING AANGAANDE DIE DIERE WAT OP DIE VEILING AANGEBIED GAAN
WORD.
Alle ramme was op 'n veldtoetsfase 'n minimum van 150 dae. Hulle was
elke maand geweeg deur 'n GWK agent. Al die inligting is na die
Landbou Navorsingsinstituut te Middelburg(KP) gestuur . Vir elke dier
is daar 'n 'n gram/dag gegroei sowel as 'n Seleksie Indeks uitgewerk.
Die Seleksie Indeks van elke ram gaan beskikbaar wees op die dag van die
veiling en gaan so verkoop ook word. Die gram/dag gegroei gaan ook
beskikbaar wees. Van die ouer ramme is na die toetsfase gebruik tussen van
die kommersiele ooie. Alle ramme sal of 2Tand of nog 'n lam wees
tydens die veiling.
Alle ramme is reeds getoets vir Brucella Ovis en sal met die dag van die
veiling ook getoets wees vir vrugbaarheid. Alle ramme word elke jaar vir
Brucella Ovis getoets en nog nooit is enige dier in die verlede positief
getoets vir die siekte nie. Vir meer inligting aangaande die ramme se
gesondheid in die verband kan u ons plaaslike veeinspekteur, Nadia Swanepoel,
skakel by 053-6312592.
Alle ramme sal afgerond wees vir die veiling, hulle sal in 'n goeie kondisie
wees, maar nie oorvoer nie.
Indien u enige navrae het oor die ramme met hulle indekse voor die veiling,
is u meer as welkom om my te kontak of vir besigtiging van die diere op die
plaas.
Alle ooie wat aangebied gaan word gaan jong diere wees. Die meeste van
hulle sal of dragtig geskandeer wees of het by 'n ram geloop.
Hier volg 'n paar foto's van die ramme wat aangebied gaan word.
Ram no.080034. Hy was klaar op die veldtoetsfase en het 'n Seleksie Indeks van 124. Is op hierdie stadium nog 'n lam en gaan op veiling aangebied word. Is ook in die stoet gebruik as teelram.Sy groei/dag op die veld was 190g/dag.
Ram no. 080034
Ram no. 080019 Sy groei/dag op die veld was 200g/dag.
Ram No. 080034 met 'n seleksie indeks van 124.
Alle ooie op die veiling sal jong ooie wees wat by die ram geloop het en wat geskandeer gaan wees vir dragtigheid.
Alle ramme se indekse is by my beskikbaar vir verdere navrae.
Ramme sal vir 8 weke afgerond wees voor die veiling en gaan in 'n goeie werkskondisie wees.
Sommige van die ouer ramme is reeds gebruik tussen ooie (kommersieel en stoetooie) om hul werksvermoeens te bepaal en om goeie genetika na ons eie diere oor te dra.
Dit is vir my belangrik dat soos die stoet vorder, die jonger ramme met die beter genetika, se gene oor te dra na die nageslag.
Op die Nasionale Veldramveiling het ek 9 diere ingeskryf en al 9 het die volledige toets geslaag. Geen een het uitgeval a.g.v. negatiewe groei nie. Ramme wat aangebied gaan word is of lammers of 2Tand diere. Geen ouer diere word aangebied nie.
Accepted in the ezSearch South African business directory.
